CEBU CITY-Gikatakdang ilusad sa publiko ang halapad nga bio-molecular laboratory gikan sa Philippine Red Cross (PRC) diin nahimutang sa dakbayan sa Mandaue.
Kini na ang unang laboratoryo nga natukod sa maong organisasyon gawas sa Luzon kansang mukabat sa P-30M ang pagpatukod niini gikan sa mga partners.
Matud ni Maria Vera de Jesus, ang chapter administrator sa Phil. Red Cross – Cebu, nga ekslusibong nahinabi sa Bombo Radyo Cebu nga state-of-the-art ang mga gamitong ekipo alang sa real-time polymerase chain reaction (RT-PCR) test.
Muabot sa 2,000 ngadto sa 3,000 ka mga tests ang kayang ipaubos sa mga makina ug mogawas ang resulta niini sulod na sa duha ka adlaw. Aduna usab negative pressure ang laboratoryo aron kalikayan ang contamination sa virus ug kanunay usab kining gi-disinfect.
Dugang pa ni de Jesus nga andam na ang mga medical technologists sa pag-administer sa swab test samples human nipaubos sa training. Sa higayon nga ma-inagurahan kini sa publiko, andam na’ng makig-alayon ang Red Cross sa mga institusyon ug local government units (LGU’s) alang sapagtesting sa mga COVID-19 samples. |via GN
