CEBU – Malaumon gihapon ang mga labor groups sa Central Visayas nga mahatag ang ilang petisyon sa pagpatuman sa usbaw sa suholan sa rehiyon.//
Kini maoy panawagan sa pipila ka mga opisyal sa Associated Labor Union-Trade Union Congress of the Philippines (ALU-TUCP) atol sa gipahigayong Labor Day rally sa dakbayan sa Sugbo niadtong Domingo, Mayo 1,2022.//
Matud pa ni Atty. Nora Analyn Demeterio-Diego,ang regional vice president sa ALU-TUCP,nga nanghinaot sila nga dawaton sa gobyerno ang ilang hangyo nga bisan gamay lang, usbawan ang inadlaw nga minimum wage rate sa Sugbo.//
Kini bisan pa sa desisyon sa Regional Tripartite Wages and Productivity Board (RTWPB), sa Metro Manila nga nibasura sa ilang petisyon nga hatagan ang minimum wage earners og suweldo nga dili mominus sa P1,007 matag adlaw.//
Samtang sa pikas kabahin ang TUCP una nang nisang-at sa ilang petisyon nga usbon ang kasamtangang minimum nga suholan sa Central Visayas,ug ilang gisugyot ang bag-ong rate nga P834.//
Kasamtangang P404 ang minimum wage rate sa rehiyon.///
