Nasayran na usab sa mga eksperto sa Department of Science and Technology – Philippine Institute of Volcanology and Seismology (DOST-Phivolcs) ang lain pagbuga og abo sa Bulkang Kanlaon niadtong adlaw sa Lunes, Marso 31, 2025.
Matod pa sa DOST-Phivolcs nga niabot ang gitas-on sa ash emission sa 1500 meters gikan sa babaan sa bulkan (volcanic crater).
Sumala sa National Disaster Risk Reduction and Management Council (NDRRMC) nga nagsugod ang maong volcanic activity pag alas 3:24 sa hapon ug milanat sa sobra usa ka oras kini.
Gipanglantawang mapalid kining abo sa kasadpang direksyon diin giabisohan ang mga lugar sa La Carlota City, Bago City, La Castellana, Pontevedra, San Enrique, Hinagaran, Binalbagan sa Negros Occidental ang hilabihang maapektohan sa maong makalilisan nga panghitabo.
Giabisohan sa mga awtoridad ang mga residente niini nga magpabiling sulod sa balay og kung higayong mugawas kay musul-ob og face mask aron malikayan ang kadaot sa ginhawaan.
Kasamtangang nagpabilin ang Alert Level No. 3 and status sa bulkan nga nagpasabot sa magmatic unrest niini sa doul nga posibilidad sa mas dakong pagbuto sa umaabot kung dili muhinay ang mga kalihokan sa bulkan.
