Magpanikad na usab ang laing pagsaka sa presyo sa lana nunot sa staggered implementation sa sunod-sunod nga semana.
Kini human sa gipagawas sa Department of Energy (DOE) ang pagsaka sa presyo sa mga produktong petrolyo nga epektibo karong adlawa, Martes, Marso 24.
Diin ang DIESEL usbaw og P16.80 matag litro, samtang ang GASOLINA adunay usbaw og P9.70 matag litro.
Ingon man ang KEROSENE nga usbaw og P20.90 matag litro.
Sa pagkakaron, padayon gihapon ang panawagan sa Energy Department sa mga kompanya sa lana nga ipatuman ang staggered o hinay-hinay nga pagsaka sa presyo sa mga produktong petrolyo.
Sa pikas bahin, giklaro ni Palace Press Officer Usec. Claire Castro nga walay krisis sa lana sa nasud bisan pa sa sunod-sunod nga kaylap nga pagsaka sa presyo sa petrolyo.
Gipasabot ni Castro nga kini tungod kay kompleto ug igo ang suplay sa lana sa atong nasud.
Bisan tuod ang uban miingon nga dili gayud nila mapatuman ang hinay-hinay nga pagsaka sa presyo sa lana tungod kay mawad-an sila og kita tungod kay ang mga presyo mausab matag adlaw tungod sa kagubot sa Middle East.
Sumala ni Sec. Garin, ang stockpile sa gasolina molungtad hangtod sa unang semana sa Mayo uban sa pag-abot sa dugang nga mga delivery.
