Laing paglihok sa presyo sa produktong petrolyo, nag-ung-ong sunod semana

Gipaabot sa sunod semana ang laing paglihok sa presyo sa mga produktong petrolyo.

Basi sa inisyal nga kwentada sa mga industry players sa nasud, ang presyo sa diesel mahimong mous-os gikan sa P0.35 ngadto sa P0.75 matag litro, samtang ang kerosene mahimo usab nga mous-os gikan sa P0.15 ngadto sa P0.55 matag litro.

Alang sa gasolina, mahimong mous-os o mosaka hangtod sa P0.15 matag litro apan, gipanglantawan usab nga mamahimong dili usab molihok ang presyo niini.

Hinuon, gipahinumdoman sa Department of Energy (DOE) nga dili kini angay ipatuman sa mga lugar nga adunay state of calamity tungod sa epekto sa nangaging lapad nga pagbaha.