Magpanghugot sa bakus ang mga motorista karong semanahuna human gipahibalo sa Department of Energy (DOE) ang laing saka sa presyo sa produktong lana sumala pa sa advisory niini niadtong Biyernes, Nobyembre 14.
Kini base sa four-day trade monitoring sa Mean of Platts Singapore diin matod pa ni DOE Oil Industry Management Bureau Assistant Director Rodela Romero nga ang pagsaka sa presyo kay nagduwa sa musunod:
Gasolina – P0.60 per liter nga pagsaka o labaw pa
Diesel – P0.75 per liter nga pagsaka o labaw pa
Kerosene – P1.00 per liter nga pagsaka o labaw pa
Sumala pa kay nunot kini sa paghuyang sa piso batok dolyar sa nakalabayng P59.17 per $1 sa nakalabayng Nobyembre 12.
Lain pa mao ang silot sa Estados Unidos sa mga Russian oil companies human sa pakyas nga peace efforts tali ni US President Donald Trump ug ni Russian President Vladimir Putin gna naka-apektar sa local oil market.
Samtang nagpabilin pa ang taas nga demanda sa kalibutanong pamatigayon a produktong lana hinungdan sa pagsaka karong semanahuna.
