Wala katou ang Sugboanon nga si Jeffrich Mendez Yap, nga tinun-an sa Velez College, nga usa siya sa mga nakakab-ot ug nahimong ika 8 nga puwesto sa naasoy nga examination taliwala sa kasikit sa scoring sa mga takers.
Matud ni Yap, nga daan na siyang hilig sa fitness hilabi na sa hisgutanan sa physical nga aspeto og unsaon pag amping sa kalawasan hilabi na nga interesado usab siya nga mag exercise hinungdan nga gipadayon niya ang kurso.
Apan na realize niini atol sa pagsulod sa maong natad nga dako kaayu ang kalahian sa iyang gilauman hilabi na ang paghatag ug pagtagad sa mga nanginahanglan nga anaa sa rural areas.
Sigon ni Yap, nga mahinungdanon kaayu ang pagsusi sa mga kinahanglang buhaton og mga butang dili angay kalimtan, susama sa pagtoun og paggamit og tukmang mga materials sa pagtoun aron hapsay og organisado ang pagpangandam sa exams.
Gihimug-atan usab ni Yap nga dili gayud malikayan nga aduna gayuy masinati nga mga kalisod hilabi na nga anaa sa natad sa medical nga daghang kinahanglang e memorize isip tinun-an.
Apan dugang niini nga importante gayud nga aduna gayud kay pagtou sa imong kaugalingon nga makaya ra og makab-ot ang maong pangandoy, hilabi na nga adunay nagkinahanglan og tabang.
