Gilampaso sa Los Angeles Lakers ang Milwaukee Bucks sa ilang kaugalingong homecourt human sa iskor nga 107-102 nga kadaugan sa ilang preseason match.
Ang Bucks naggunit og 6 puntos nga labaw sa pagtapos sa unang katunga ug miuswag kini ngadto sa 8 puntos sa pagtapos sa ikatulong kuwarter.
Apan, kalit lang nga mipabuhagay og 33 puntos ang Lakers sa 4th quarter samtang ang Bucks igo lang nakapuntos og 20 puntos.
Mitampo og 14 pts. si Lakers forward Rui Hachimura samtang niamot og 13 puntos ug 8 ka rebounds si Dalton Necht sa kadaugan sa Lakers.
Sa Bucks, ang bench player nga si Bobby Portis Jr., miiskor og 23 puntos sulod lang sa 15 minutos. nagduwa samtang ang 2-time NBA MVP nga si Giannis Antetokounmpo niamot og 20 puntos ug 7 ka rebounds.
Nindot ang panagbangga sa duha ka team diin pareho silang nakapuntos og kapin sa 40 puntos sa paint area.
Hinuon, ang Lakers mipakita og mas agresibong opensa human nakailog og 17 ka mga rebounds samtang ang Milwaukee nakahimo lang og napulo.
