CEBU CITY-Mitahan sa iyang kaugalingon ngadto sa mga kapulisan ang suspect sa pagpatay sa usa ka tricycle driver nga giloglog ang liog sa may P. Remedios St. Barangay Banilad dakbayan sa Mandaue, Cebu.
Giila ang suspek nga si Lary Ambungan Suplaag 34 anyos ug usa ka construction worker. Samtang ang biktima ang giilang si Dale Jumao-as 27 anyos ug residente sa naasoy nga barangay.
Matud ni Police Executive Master Sergeant Dexter Martin ang imbestigador sa MCPO-station 4 nga hilabihan ang kasuko sa suspek sa biktima hinungdan nga nahimo niini ang maong krimen.
Nasayran nga gikawat matud pa sa biktima ang ‘mountain bike’ sa suspect. Pagsaysay pa niini nga nakita niya sa CCTV nga ang bitkima kinsang iyang sood nga higala ang mikuha sa iyang bisikleta. Tungod sa kasuko gidungab sa suspect ang liog sa biktima.
Nakaplagan na lang nga walay kinabuhi ang biktima sulod sa iyang tricycle kaganinang buntag.
Samtang nakadetain na karon ang suspect sa Mandaue City Police Office station 4 ug nakatakda nga pasakaan og tukmang kaso.
