NEGROS ORIENTAL Patay ang usa ka lalaki human kini gipusil sa wala pa maila nga mamumuno sa Brgy. Tampocon II lungsod sa Ayungon, Negros Oriental.
Naila ang biktima nga si Riden Alcala Eleuterio, 50 anyos ug residente sa naasoy nga barangay.
Matud ni Police Executive Master Sergeant (PEMS) Ruel Abregana ang deputy Chief sa Ayungon PS, nga sakay sa iyang motor ang biktima sa dihang nahitabo ang pagpamusil.
Paingon matud pa sa lungsod ang biktima sa dihang gitira sa mga mamumuno.
Naglisod usab ang kapulisan sa pagtumbok sa suspect ug ingon man sa pagkuha sa mga detalye sa nahitabo tungod kay tak-om matud pa ang mga nakasaksi.
Apan basi sa pakigkusi sa background sa biktima,usa kini ka driver sa usa ka construction firm.
Kaila usab matud si Abregana sa biktima ug paghulagway niini nga usa kini ka maayong tao ug wala man kini nataho nga dunay kontra.
Padayon pa karon nga gisuta ang motibo sa pagpamusil.
Nasayran nga sa nakalabay nga mga adlaw sunod-sunod ang patay sa Negros Oriental ug si Eleuterio na ang ika lima nga biktima niining semanaha.
Hulagway gikan ni Bombo Correspondent Marina Losarito
