CEBU CITY – Nagpaalim sa tambalanan ang usa ka lalaki human milayat sa skywalk sa Brgy. Lahug, sa dakbayan sa Sugbo gumikan sa personal nga problema.
Giila ang milayat nga si James Christopher Salobre, 26 anyos, lumad nga taga-Sibonga, ug kasamtangang nagpuyo sa Sudlon I sa nahisgutang dakbayan.
Base sa imbestigasyon ni Police Chief Master Sergeant Antonio Din sa Mabolo Police Station nga adunay gikahinabi sa cellphone si Salobre dayon milayat ug na-shoot sa dung sa naka-park nga sakyanan.
Hinuon concious si Salobre apan gidala kini sa tambalanan human nakabati ug pagpanakit sa iyang tiyan ug hawak.
Miresulta ang maong insidente sa pagkalumping sa dung sa sakyanang gipanag-iya ni “John” (dili tinuod nga pangalan).
Plano karon ni “John” ang pagpablotter sa police station human sa nahitabo sa iyang sakyanan aron makakuha og car insurance.
