Nahulog ang usa ka lalaking senior citizen nga gituohang hubog sa pangpang sa may Grahe, Brgy. Busay, ning Dakbayan sa Sugbo, pasado alas 8:00 sa gabie niadtong Martes, Marso 24, 2026.
Ang maong senior citizen giila nga si Regino Borres, 66 anyos.
Sa iyang pagkahagbong, dali kining nareponeihan rescue team sa naasoy nga barangay.
Sa inisyal nga kasayuran, nagbaktas ang maong biktima daplin sa dalan sa maong lugar, apan sa dihang na pandol kini sa ibabaw nga bahin ning lawom nga pangpang, ugat sa hinungdan nga naligid kini sa ubos.
Gumikan sa grabing ka lawom sa maong gihulgan niini, milanat pa og pipila ka oras human kini hingpit nga na rescue ang maong hubog, ingun man nga gigamitan na kini og tag-as nga mga pisi.
Dugang pa, si Borres, naabtan pa sa mga rescuers ug sakop sa City Disaster Risk Reduction and Management Office (CDRRMO) nga ngakupot pa sa iyang gipalit nga ilimnong makahubog .
Ning kasamtangan, gihatagan na og medical nga atensyon ang biktima ug luwas ra kining na-rescue.
