Usa ka food lover nga adunay healthy appetite ang nakabungkag sa Guinness World Record pinaagi sa pagkaon sa 28 ka Michelin-starred nga mga restaurant sa New York sulod lang sa 24 oras kun usa ka adlaw.
Ang lalaking si Joshua Fyksen, nga residente sa Las Vegas, unang nibisita sa Oxomoco, Brooklyn, niadtong Mayo 9, 2025, ug nahuman ang iyang paglibot-libot sa mga restaurant pagkasunod adlaw sa Gramercy Tavern sa Manhattan.
Kaniadto si Fyksen nakabungkag sa record alang sa ‘Most Michelin-starred restaurants visited in 24-hours’ niadtong 2023, human siya mikaon sa 22 ka New York nga mga kan-anan sa gitakdang oras.
Nawala niya ang rekord human ang mga Indian foodies nga sila si Sujoy Kumar Mitra ug Rajnish Kumar Tripathi nakab-ot usab ang record sa dihang mibisita sila sa 25 ka Michelin-starred nga mga restaurant sa Hong Kong niadtong 2024.
Dinhi siya nakahukom nga dawaton ang hagit ug mibalik sa New York.
Miingon siya nga dili niya makwentada ang iyang kinatibuk-ang gasto, lakip na ang iyang mga gasto sa pagbiyahe, apan sa pagkaon lamang, miingon siya nga nagastos siya og $976.97 dugang pa sa iyang mga gasto sa pagbiyahe tali sa mga restaurant, nga mikabat sa $474.37.
