Lapu-Lapu Mayor City Junard Chan gusto og ‘maximum penalty’ batok sa mga vandalism sa dakbayan sa Lapu-Lapu

CEBU – Nirekomendar si Lapu-Lapu City Mayor Junard “Ahong” Chan ngadto sa konseho sa dakbayan nga pahamtangan og bug-at nga silot ang mga vandal nga masakpang makadaot sa mga kabtangan sa kagamhanan.

Nihimo si Chan sa maong pamahayag human niya nabantayan nga adunay pader nga naguba duol sa skywalk paingon sa city hall.

Matod sa mayor nga ang mural nga gi-vandalize bag-o lang gipintalan sa mga sakop sa Mactan Artist Guild (MAG).

Kung diin ang MAG nagtabang sa siyudad sa pagpanindot niini pinaagi sa paghimo og mural walls.

Nangayo usab si Chan og tabang sa Philippine National Police, Barangay Officials, ug Disaster Risk Reduction and Management Office (DRRMO) aron makatabang sa pagmonitor ug pagdakop sa mga tawo nga mohimog bandalismo.