Nihangyo ang Lapu-Lapu City Police Office og dugang pwersa sa Camp Crame aron mapatuman ang hugot nga seguridad sa ASEAN Summit 2026 sa sunog tuig.
Kini ang gipaambit ni PCOL. Antonietto Cañete, ang City Director sa Lapu-Lapu City Police Office nga bisan paman nga kaya sa ilang seguridad apan aron masiguro nga luwas ang tanang bisita nihangyo kini og dugang manpower hilabi na nga gawas sa ASEAN aduna pay Sinulog nga abagan usab nila ang seguridad.
Ingon man nga nikomitado ang camp crame nga mo-augment og pwersa gikan sa lain-laing region, lakip usab sa moabag sa kapulisan sa Lapu-Lapu kay ang K9 units, maritime, AFP Visayas Command, ug daghan pang uban.
Subay usab sa ilang subsob nga pagpangandam ug pagpahigayon og meeting kay nipasalig kini nga ang tanan andam na ug ila nang giandam aron mahuman nga malinawon ug hapsay ang ASEAN Summit.
Una niini, gipakusgan usab sa PRO 7 ang pagpangandam alang sa ASEAN Summit pinaagi sa malampusong pagpahigayon sa Full-Scale Civil Disturbance Management (CDM) Refresher Training, nga gipahigayon niadtong Disyembre 12.
Gihiusa ang mga CDM contingents gikan sa mga opisina sa kapulisan sa probinsya ug siyudad ug ang Regional Mobile Force Battalion, diin ang kalihokan nagpakita sa panaghiusa, disiplina, ug taktikal nga kusog sa PRO7 samtang nangandam ang Central Visayas aron masiguro ang usa sa labing inila nga internasyonal nga mga kalihokan sa sunod tuig.
