Gipahibalo sa Manila International Film Festival nga si Lea Salonga maapil sa Hollywood Walk of Fame Class of 2026, isip pag-ila sa iyang kontribusyon sa teatro, salida, ug musika sa tibuok kalibotan.
Nailhan si Lea, nga usa ka Tony Award-winning performer sa iyang performance sa Miss Saigon ug nahimong tingog sa pipila ka sikat nga Disney princess sama nila Jasmine ug Mulan.
Usa usab siya sa mga nanguna sa pagpasiugda sa representasyon sa mga Asyano sa Western entertainment.
Matod ni Salonga, kini nga dungog dili lang alang kaniya apan alang kini sa matag artista nga nangahas sa pagtuo nga sila nahisakop.
Samtang, makauban ni Lea sa han-ay sa mga celebrity nga adunay dugong Pinoy mao sila si Apl.de.ap, comedian Rob Schneider (2011), ug ang singer nga si Bruno Mars (2016).
Nasayran nga ang mga gipasidunggan sa Walk of Fame karong tuiga gipili gikan sa gatusan ka mga nominasyon nga nagsugod niadtong Hunyo 20 ug giaprobahan sa board sa Hollywood Chamber of Commerce niadtong Hunyo 25.
