Gipirmahan na sa Kagamhanang Dakbayan sa Sugbo ang lease contract niini para sa round-the-clock government office sa City Hall nga mas gitanyag sa pangalang “Mayor of the Night.”
Nahitabo ang pagpirma atol sa ceremonial contract signing niadtong Lunes, Marso 2 ngadto sa Cebu City Hall diin gitambongan kini nilang Mayor Nestor Archival Sr., Vice Mayor Tomas “Tommy” Osmeña, mga konsehal, ug uban pang opisyales sa dakbayan.
Gawas sa mga buhatan ug departamento sa kagamhanang dakbayan kay muapil sa Mayor of the Night initiative ang mga national line agencies sama sa Social Security System (SSS), PAG-IBIG Fund, PhilHealth, Bureau of Internal Revenue (BIR), National Bureau of Investigation (NBI), Philippine Statistics Authority (PSA), Philippine Postal Corporation (PhilPost), ug Land Transportation Office (LTO).
Sa pamahayag pa ni Mayor Archival sa mga tigbalita nga gagmayng furnishing nalang sa mga furniture ang gihuman aron sa hingpit nga pagsugod sa operasyon sa Mayor of the Night program.
Kahimutang ang maong operasyon sa programa sa Cebu Exchange building sa Cebu IT Park nga laumang mag-abli sa musunod nga semana sa pagpangulo ni Vice Mayor Osmeña isip im-charge sa programa.
Ang Mayor of the Night program kay nagsaad sa pagdalit og serbisyo sa publiko gawas sa regular office hours sa mga buhatan sa gobyerno nga hilabihang makatabang sa mga night shift workers.
