Nakahimo na sab og lain kasaysayan sa National Basketball Association (NBA) si Los Angeles Lakers star LeBron James human nakatala siya sa pianakatiguwang nga player sa asosasyon nga nakakuha og triple-double stats human gipildi nila ang Dallas Mavericks sa final score nga 124-104 sa wala pa ang All-Star Break.
Nakatala ang 41-anyos nga si James og 28 puntos, 12 ka assist, ug 10 ka rebounds sa iyang pinakaunang triple-double sa 36 ka milabayng duwa karong season.
Ang mga kauban niini sa Lakers nga sila Rui Hachimura mitampo og 21 puntos, Austin Reaves sa 18 gikan sa bench ug Jaxson Hayes sa 16 puntos samtang injured pa sila si Luka Doncic ug Deandre Ayton.
Samtang sa habig sa Mavericks, sila si Naji Marshall ug Max Christie kay nakatala og tag-19 puntos sa ilang ika-siyam na nga sunod-sunod nga kapildihan.
