Liboan ka mga fans ang nagtapok sa Manchester, England niadtong Biyernes aron paghatag og respeto kang Ricky Hatton, ang kanhi world welterweight boxing champion, kinsa namatay niadtong Septiyembre 14 sa edad nga 46.
Ang kanhi heavyweight champion nga si Tyson Fury ug ang singer nga si Liam Gallagher maoy usa sa mitambong. diin daghan usab ang nagwarawara sa mga bandera sa Manchester City ug nag-awit og “There’s only one Ricky Hatton!” samtang ang lungon gidala gikan sa paboritong pub ni Hatton ngadto sa Manchester Cathedral.
Ang lungon kay kolor sky blue ug adunay “Blue Moon” nga gikulit niini, usa ka tribute sa iyang paboritong kanta ug sa iyang gugma sa Manchester City, nga maoy kolor sa iyang boxing shorts.
Ang Olympic silver medalist nga si Amir Khan, kinsa milupad gikan sa Dubai alang sa lubong, miingon nga si Hatton usa ka iconic figure sa boksing ug nagbilin og dakong kabilin.
Nadaog ni Hatton ang world titles sa light-welterweight ug welterweight sa wala pa moretiro niadtong 2012 diin nagplano pa unta siya nga mubalik sa usa ka event sa Dubai karong tuiga.
