CEBU – Nabalaka ang mga opisyales sa local health sa mga tawo nga miapil sa usa ka libre nga konsyerto sa Sugbo.
Gipasabot ni Dr. Mary Jean Loreche, chief pathologist sa Department of Health sa Central Visayas (DOH-7), nga makapabalaka ang “Arat na Cebu” concert.
Matud pa ni Loreche nga nabalaka kini kay ang maong kalihokan gitambongan sa halos 100,000 ka mga indibidwal,ug mahimong usa ka superspreader,ilabina na nga wala nag sul-ob og mga face mask ang katawhan.
Giawhag sa opisyal sa DOH-7 ang publiko nga mahimong responsable sa paggawas, labi na ang pagtambong sa mga kalihokan sa pagpundok sama sa mga konsyerto.
Dugang pa, nga panahon na nga mahimong responsibilidad ang matag usa sa matag lihok nga pagabuhaton.
Ang “Arat na Cebu” mao ang unang konsiyerto nga gipahigayon sa Cebu City duha ka tuig human ang COVID-ug hinungdan nga napugos sa gobyerno sa temporaryong pagdili sa mga panagtapok.
Kahinumduman, nga gipaubos ang dakbayan sa Sugbo sa Alert Level 1 sukad niadtong Marso 15,ug diin gitugotan ang mga konsyerto ug uban pang kalihokan sa pagpundok.
