-- ADVERTISEMENT --
Malipayong nakadawat og libreng Pterygium surgery ang 34 ka mga pasyente gikan sa ikaduhang distrito sa Sugbo, niadtong unang adlaw sa Mayo.
Diin ang maong medical mission gipahigayon sa Isidro C. Kintanar Memorial Hospital sa lungsod sa Argao.
Kini nga inisyatiba kabahin sa programa ni Governor Pamela “PAM” Baricuatro nga nagtinguha sa paghatag og de-kalidad nga serbisyo sa panglawas, ilabi na sa pag-atiman sa panan-aw sa mga Sugboanon, nga walay bisan usa ka sentabo nga bayranan.
Pinaagi sa pagtinabangay sa mga eksperto nga doktor ug sa hugot nga pagdumala sa Cebu People’s Action Center (CPAC), naseguro nga malampuson ug luwas ang tanang operasyon./////
