Gilusad sa Department of Health – Central Visayas (DOH-7) ang “Ligtas Christmas Campaign 2025” isip pagpahimangno sa publiko sa luwas ug responsable pagsaulog sa kapaskuhan karong tuiga.
Kini ang gitino ni DOH-7 Medical Officer IV Dr. Shelbay Blanco sa usa press conference kagahapong adlawa sa Miyerkules, Disyembre 3 diin tumong sa kampanya ang padayong sugyot sa mas luwas nga kapaskuhan sa nasud.
Gisaysay niini nga sa mga nakalabayng katalagman nga miigo sa Pilipinas ilabi na diri sa Sugbo ug Kabisay-an sama sa linog niadtong Septiyembe 30 ug ang bagyong Tino ug Uwan kay dili magpugong sa mga Pilipino sa paghandaom sa adlawng katawhan ni Hesus isip tradisyon nga magtapukay sa pamilay ug suod nga higala.
Ang maong kampanya naningkamot sa pagpataas sa pahibalo sa kinabag-an nga magsaulog sa panahon sa kapaskuhan nga layo sa uban pang katalagman diin layo sa mga aksidente.
Adunay tulo ka mga key advocacy pillars ang kampanya nga mao ang BiyaHealthy, Healthy Handaan, ug Iwas Paputok. Diin ang BiyaHealthy naghisgot sa kaluwasan sa pagbyahe, ang Healthy Handaan kay sa pagpahibalo sa tukmang pagkaon nga kunsumohon, ug ang Iwas Paputok kay ang paglikay sa makalilisang nga mga pabuto nga mas girekomendar ang ubang kahimanang saba-saba nga dili makamugna og aksidente.
