CEBU – Gikwestyon sa pipila ka mga progresibong grupo ang gipahigayon nga May 9 elections, kagahapong adlawa.
Kini human sa tataw nga paglabaw sa election returns sa pagka-presidente ni Ferdinand ‘Bongbong’ Marcos Jr. ug Sara Duterte-Carpio isip bise presidente.
Gibutyag ni Cling Cimafranca, ang convenor sa Kabataan Tayo ang Pag-asa, nga ilahang gituohan nga adunay nahitabong dakong tikas sa nahitabo nga eleksyon ug gimani-obra lang kini sa Duterte administration.
Matud pa, tataw ang anomaliya sa maong eleksyon, hayan dili kini makatarunganon.
Gihimug-atan ni Cimafranca nga angayan nga patubagon ang Commission on Election (Comelec), national government ilabi na ang Duterte administration gumikan kay giingong adunay katungod ang mga Pilipino nga hatagan ug limpyo ug patas nga eleksyon.
