Gikalipay ang gobyerno sa Peru nga walay namatay sa 7.2 magnitude nga linog sa milabaynga adlaw.
Basi sa pahayag ni Peru Prime Minister Gustavo Adrianzen, makita sa pasiunang mga taho nga wala’y namatay ug wala’y gikataho nga nalubong o nawala nunot sa kusog nga linog.
Ingon man nga adunay walo ang nasamdan samtang lima niini ang nadala sa tambalanan ug padayon nga nagpaayo ug ang nahibiling tulo susamang nakaangkon og minor injuries ug nahatagan og first aid.
Matod pa niya nga padayon nga gitutokan sa gobyerno ang epekto sa linog sa mga imprastraktura diin namatikdan ang mga bilding ug karsada nga adunay liki ug partially collapse.
Ang 7.2 magnitude nga linog nahitabo sa nasud sa Peru diin ang Pacific Tsunami Warning Center (PTWC) unang niisyu og tsunami alert, apan sa ulahi gikanselar kini.
