-- ADVERTISEMENT --
CEBU – Hugot nga ipatuman sa kapulisan sa dakbayan sa Sugbo ang liquor ban sulod sa 100 metros nga radius gikan sa duha ka mga venue sa umaabot nga Bar Examinations sugod sa tungang gabii sa Nobyembre 9, 2022.
Ang venue sa Bar exams sa Cebu City anaa sa University of San Carlos Law School ug University of Cebu Banilad Campus.
Matud pa ni Police Colonel Ireneo Dalogdog, hepe sa Cebu City Police Office (CCPO), nga karong Nobiyembre 9, 13, 16, ug 20 na lang nila ipatuman ang liquor ban nga maoy gikatakdang petsa sa bar exams.
Dugang ni Dalogdog nga alas 3 pa sa kaadlawon sa Miyerkules, Nobyembre 9, epektibo usab ang deployment sa dili mominos 100 ka police personnel sa duha ka venue.
