CEBU CITY-Ipatuman ang Liquor Ban sa Police Regional Office 7 ubos sa direktiba ni Cebu City Mayor Mike Rama atol sa Sinulog Festival 2024.
Mao kini ang gibutyag ni Police Lieutenant Colonel Gerard Ace Pelare ang tigpamaba ni Police Brigadier General Anthony Aberin nga andam ang kapulisan sa Sugbo nga mopatuman niini.
Asoy pa ni Pelare, nga ang pagpatuman sa Liquor Ban, usa ka nindot nga matang alang sa pag control sa mga krimen nga adunay kalabutan sa pisikal nga kadaot hinungdan ila usab kining tutokan atol sa Sinulog Festivals.
Sa pakighinabi usab sa Bombo Radyo Cebu News Team kang Cebu City Councilor Philip Zafra, nga dili malikayan ang mga ilimnong makahubog hilabi na nga nagselebrar sa kapistahan ingon man nga lakip kini sa kultura na nasud.
Gani, pahimangno sa konsehal nga dili lang magpalabi arun malikayan ang kagubot ug kon mahimo moinom nalang sa sulod sa panimalay.
Dugang pa ni Zafra nga adunay mga pagsusi nga buhaton sa mga tindahan nga anaa sa mga daplin sa kadalanan arun sa pagsusi kon aduna ba kini mga permit.
