Gipaneguro sa mga lisensiyado nga gambling operators sa Pilipinas nga nituman sila sa bisan unsang balaod nga gipatuman sa gobyerno.
Matod sa grupo nga pulos dakgong casino operators sa nasod, hugot nga gibantayan niini ang ilang operasyon sa online nga sugal.
Giingon nila nga sila aktibo nga nagpasiugda sa responsable nga pagdula pinaagi sa paggamit sa kaugalingon nga self-exclusion, deposit limits ug account restrictions.
Tataw sa mga operators, hugot nilang gisunod ang mga lagda nga gipatuman sa Philippine Amusement Gaming Corporation o PAGCOR kong bahin sa licensing ug accreditation, anti-money laundering regulations, marketing ug advertising policy, data privacy, self-regulation, content review process ug uban pa.
Ang mga Licensed Online Gaming Operators sa Pilipinas unang niingon nga dili sila uyon sa total ban sa online nga sugal ug gipugngan o limitahan lang ang pagdula.
Kahinumduman nga pipila ka mga magbabalaod ang nagduso sa hingpit nga pagdili sa online nga sugal tungod sa kadaghan sa mga tawo nga naadik niini.
