CENTRAL VISAYAS-Ibalido pag-usab sa buhatan sa Department of Social Welfare and Development sa Central Visayas (DSWD-7) sa mga nalista sa Social Pension Beneficiaries gikan sa mga nagkadaiyang lungsod ug dakbayan sa eksklusibong pakighinabi niini sa Bombo Newsteam.
Ang DSWD-7 mipahibalo kung unsa ang ilang gipangayung kwalipikasyon aron maaprobahan ingon man madawat sa mga nag edad nag 60 anyos pataas kun senior citizens sa ilang Social Pension Beneficiaries.
Diin makadawat og P1000 matag buwan ang maong mga kwalipikadong Social Pensioners og makuha nila kini per quarter matag tuig aron mahimong pangastu nila sa ilang mga kinahanglan.
Giklaro usab ni DSWD-7, Regional Information Officer 2 Leah Quintana nga mamahimong madawat lamang nga mga senior citizens mao ang kadtung mga adunay gipamati o masakiton, kadtung wala makadawat bisan unsang Government Benefits o kun pensions ingon man regular nga supporta gikan sa ilang mga pamilya.
Gikompirmar sa buhatan nga adunay revalidation o saktong pagsuhid sa mga aplikasyon sa mga nalistang Senior Citizens diin gikan ang lista sa Local Government Units (LGU) nga ipasa ngadto sa DSWD, subay niini mupahigayun silag crosschecking aron sa pagsusi kung nalambigit ba silag laing mga benipisyaryo ingon man ang social workers mubisita sa ilang lugar sa mga nakalista nga mga social pensioners.
