Cebu City-Nagtipun-og nga mga basura maoy misugat sa mga sakop sa Department of Public Services DPS human sa pag obserbar sa kalagkalag.
Matud ni Nida Cabrera, ang labaw sa City Environment and Natural Resources Office (CENRO), ubay ubay gayud nga mga basura ang nakuha sa DPS.Gikasagmuyo usab niini gumikan kay susamang wala gayud nakakat-on ang mga tawo hilabi na sa insaktong paglabay og basura.
Kasagaran matud pa sa mga basura mao ang plastic nga gipangsudlan sa mga gipangdangla sa mga mibisita sa mga sam-ang.
Hinuon sa pagkakaron, dili pa makahatag si Cabrera kon pila gayud ka tonelada ang nakuha sa DPS dinhi sa dakbayan sa Sugbo sa nakalabay nga duha ka adlaw.
Ang sementaryo sa Calamba ug Carreta maoy may pinakadaghang basura nga nahipos sa DPS.
Matud usab ni John Paul Gelasque, ang head sa DPS sa dakbayan sa Sugb nga human sa kalag-kalag nagpahigayon dayon ug clean up ang iyahang mga sakop diin sa pagkakaron duna na silay nakolekta nga kapin 40 ka tonelada sa basura sa mga sam-ang dinhi sa dakbayan sa Sugbo.
Base sa iyahang obserbasyon, mas gamay ang basura nga ilang nakoleta karon kung itandi sa nakalabayng tuig.
Kasagaran matud pa sa ilang nakuha mao gihapon ang mga plastic nga gisudlan ug pagkaon sa mga tawo nga nag overnight sa sementeryo
