Cebu City-Gihangop sa Department of Agricuture (DA-7) ang Rice Tariffication Bill.Kini ang gitino ni Joel Elumba, ang regioanl technical Director sa DA-7 human nga mapirmahan na kini ni Presidente Rodrigo Duterte.
Sa Goodmorning Philippines (GMP) Program sa Bombo Radyo Cebu, nagkanayon si Elumba nga sa pagkakaron dili angayan matud pa nga sawayon dayon kini nga wala paman nasinatian sa tanan ang epekto niini tungod kay wala paman kini ma implementar.Apan nagkanayon si Elumba nga sa habig sa DA gilantaw kini nila nga usa ka kalamboan.
Hinoon gi-angkon ni Elumba nga ang Rehiyon 7 dili gyud sufficient ang rice production apan bintaha kini sanglit dinhi man magmerkado ang mga traders ug mag supply. Apan sa habig usab sa mga local farmers mi-laum ang DA nga mapatuman gyud ang gipasalig nga pondo para kanila gikan sa nasyonal nga panggagamhanan
Gitino usab ni Elumba nga dili siya mutoo nga nabiyaan na ang sektor sa agrikultura sanglit igo man ang ayuda nga ilang nadawat ug gani mas dako na ang budget nga gigahin para kanila. Wala palang matud pay matino si Elumba karon nga mga programa sanglit bago paman nila nadawat ang maong budget.
Sa gihapon gihimug-atan niini nga “agriculture is life” hayan gi-awhag ni Elumba ang publiko nga manginlabot o mamahimong interesado sa agrikultura tungod kay dako kaayo ang parte niini sa nasud nga Pilipinas.
Samtang nanghinaot usab ang usa ka agriculturist nga si Jade Mesias nga tungod niining maong balaud daghan na ang interesado nga mu- enroll sa kurso nga agricultura tungod kay bisan og magkina-unsa ang tao mukaon man gyud katulo sa usa ka adlaw.
