Nagpagawas og report ang World Health Organization (WHO) aron sa pagpasidaan sa publiko bahin sa lokal nga transmission sa clade Ib monkeypox virus (MPXV) sa mga nasud nga kaniadto walay mga kaso o mga kaso nga may kalabutan lamang sa pagbiyahe.
Basi sa advisory, nga human sa ikaduhang public health emergency of international concern (PHEIC) para sa mpox nga gikuha niadtong Septyembre, ang clade I ug II sa virus nagpadayon sa pag-circulate sa nagkalain-laing mga rehiyon, nga hinungdan sa dagkong mga outbreak, labi na sa daghang mga nasud sa Africa.
Ang mga kaso sa clade Ib MPXV nakumpirma usab sa upat ka mga rehiyon sa WHO sukad sa Septyembre, kasagaran sa mga lalaki nga nakighilawas sa mga lalaki nga walay history sa pagbiyahe, nga nagsugyot sa lokal nga transmission.
Samtang ang mga sistema sa surveillance sa daghang mga nasud igo na, ang hingpit nga imbestigasyon, contact tracing, ug pagpatuman sa mga lakang sa panglawas aron mapugngan ang pagkaylap nagpabilin nga mga hagit.
Gibanabana sa WHO nga ang risgo sa clade Ib MPXV kasarangan alang sa mga nakighilawas ug ubos alang sa kinatibuk-ang populasyon sa kadaghanan sa mga nasud.
