CEBU CITY-Gipahibalo ni Barangay Mambaling Kapitan Gines Abellana sa iyang mga konstituwente nga ilibkas na ang lockdown sa ilang barangayugma, adlaw nga Lunes, Hulyo 13.
Matud ni Abellana pinaagi sa social media nga human usab sa pagnegatibo sa covid-19 sa mga pasyente nga naa karon sa ilang Barangay Isolation Centers (BIC) ug human usab nadawat sa mayor ug sa IATF sa rehiyon ang ilang apelar nga ilibkas na ang lockdown sa ilang dapit, positibo matud pa ang response niini.
Hayan mamahimo na matud pa nga makabalik na sa tagsa-tagsa nila ka panimay ang mga nagnegatibo na sa covid ug ingon man makagawas na sa area ang mga residente ug makapanikaysikay na bisan og sa unsa nga paagi itandi nag kini sila natanggong lang sa ilang barangay.
Gipasalig usab sa kapitan nga mag-issue sila og quarantine pass gikan usab sa City gov’t matag balay aron matud pa dili masita sa checkpoint ug aron nga makagawas ug makapalit sa mga panginahanglanon.
