-- ADVERTISEMENT --
Sikop ang usa ka lola human nakuhaan og dul-an P3-million nga kantidad sa drugas atol sa buybust operation sa A. Lopez Street, Brgy. Labangon, dakbayan sa Sugbo.
Giila ang dinakpan nga si Mary Joyce Rubi, 61 anyos, ug residente usab sa nahisgutang dapit.
Matud sa hepe sa City Intelligence Branch nga si Police Major Randy Caballes nga gikonsiderar ang dinakpan isip regional high value target gumikan sa gidaghanon sa nasakmit nga drugas.
Nakuhaan si Rubi og 370 grams sa shabu nga nagkantidad og P2.5 million.
Mag-atubang ang dinakpan og kasong kalapasan sa Comprehensive Dangerous Drugs Act.
-- ADVERTISEMENT --
