Taas ang tsansa nga mahimong usa ka tropical depression ang low pressure area (LPA) nga gimonitor gawas sa Philippine area of responsibility (PAR) sa sunod nga 24 oras, matod sa state weather bureau.
Mibutyag ang PAGASA nga ang shear line makaapekto sa sidlakang bahin sa Visayas ug Mindanao samtang ang Northeast Monsoon makaapekto sa Luzon.
Makasinati usab ang Visayas, Caraga, Davao Region, ug Misamis Oriental og madag-umon nga kalangitan nga adunay katag-katag nga ulan ug isolated thunderstorms tungod sa shear line.
Magdala ang amihan og madag-umon nga kalangitan nga adunay hinay nga ulan sa Batanes ug Babuyan Islands, ug diyutay nga madag-umon ang kalangitan nga adunay isolated light rainfalls sa Metro Manila ug uban pang bahin sa Luzon.
Ang nahabilin nga bahin sa Mindanao makasinati og partially cloudy nga kalangitan nga adunay isolated rainshowers o thunderstorms tungod sa localized thunderstorms.
Dugang pa, ang Northern Luzon, ang silangang bahin sa Central ug Southern Luzon, Visayas, ug Mindanao makasinati og kasarangan ngadto sa kusog nga hangin ug kasarangan ngadto sa mabalod nga kadagatan.
Ang nahabilin nga bahin sa nasud makasinati og hinay ngadto sa kasarangan nga hangin ug hinay ngadto sa kasarangan ang pagbalud.
