CENTRAL VISAYAS-Giluwatan og Show Cause Orders (SCOs) sa buhatan sa Land Transportation Office – Central Visayas (LTO-7) ang lima ka mga drayber nga nalambigit sa mga nagkadaiyang aksidente sa kadalanan sa Sugbo niadtong Disyembre 23 hangtod 26 ning kasamtangang tuig.
Ang maong kamaduan kay pinirmahan ni LTO-7 Regional Director Glen Galario diin ang mga drayber kay mag-atubang og administrative fines, additional penalties, license under alarm status, ug sa pagdili pagtagad sa ilang mga LTO transactions samtang nagpadayon ang imbestigasyon sa ilang mga aksidente.
Gihagit kining musumiter og written explanation ug mutunga in-person sa buhatan sa LTO-7 Operations Division sa pagtubag sa ilang mga reklamo.
Langkob niini sa maong giisyu nga SCOs kay katong 21-anyos nga SUV drayber nga maoy responsible sa grabeng aksidente diin mikalas og duha ka kinabuhi sa nasudnong highway sa dakbayan s Naga sa habagatang Sugbo niadtong adlaw sa Pasko, Disyembre 25.
Lain sab mao ang 61-anyos nga taxi driver nga nakadumbol og 87-anyos nga lola sa dalan A.R. Villanueva sa Barangay Sta. Cruz ning dakbayan sa Sugbo sa adlaw sabsa Pasko.
Giawhag sab ni Director Galario ang mga motorista sa responsible pagmaheno ilabi karong holiday season nga sa makausa pa nga gipahimug-atan niini nga dili magmaneho sa higayong gikapoy o impluwensyado sa ilimnong makahubog aron gihapon sa kaluwasan sa kaugalingog ug sa ubang motorista sa kadalanan.
