CEBU CITY-Gihatagan og katin-awan ni Land Transportation Office (LTO-7) Director Victor Caindec ang pagpabalik na sa motorcycle backriding human kini nga gitugutan sa Department of Interior and Local Government (DILG) og Inter-Agency Task Force (IATF) apan alang lamang sa mga kabanayt, magti-ayon ug karelasyon sa motorista.
Matod ni Caindec sa dihang nahinabi sa Bombo Radyo Cebu sa tulumanong Bombo Reports Afternoon Edition nga ilang gihangop ang maong desisyon sa apan kinahanglan matod pa nga huwaton ang kumpletong guidelines alang niini. Gipasabot niini nga makonsiderang declaration of policy ang deklarasyon ni DILG Sec Eduardo Año apan gikinahanglang adunay guidelines alang sa administrative order nga magikan sa Department of Transportation (DoTr) nga mao ang mother office sa LTO.
Nagkanayon pa ang director alang sa mga magdali ug mupa backride dayon nga ‘ride at your own risk’ sanglit kung wala pa’y papel manakop sa gihapon ang LTO-7.
Subay niini, gi-awhag ni Caindec ang mga motorista og ang riding public nga huwaton una ang mga dokumento alang sa pormal nga pagpatuman sa motorcycle back-riding nga una nang gidid-an subay sa gi-atubang nga Covid-19 pandemic.| GS/FDP
