CEBU – Gipahinumdoman ni Land Transportation Franchising and Regulatory Board in Central Visayas (LTFRB-7) director Eduardo Montealto, Jr., ang mga drayber ug operators sa public utility vehicles (PUVs) nga magbutang ug matrix sa adjusted fare rates sa mga strategic area sulod sa ilang units sa dili pa sila magsugod sa pagkolekta sa gipahiangay nga mga bayranan sa pamasahe.
Matud ni Montealto nga kining mga kopya sa pletehan susihon sa mga law enforcement agencies sama sa Land Transportation Office,Highway Patrol Group sa kapulisan, ug traffic enforcers sa tagsa-tagsa ka local government units, ug giingung ang pagkapakyas sa pag-post sa mga kopya niini nga mga pamasahe sulod sa PUV usa ka paglapas sa Memorandum Circular No. 90-020.
Kahinumduman nga ang LTFRB-7, niadtong Biyernes, nipagawas og Notice of Minimum Fare Increase nga nahimong epektibo sa Hulyo 1,2022.
Kini, human ang LTFRB central office, una pa, nitugot sa hiniusang petisyon sa mga jeepney operators ug drivers taliwala sa sunodsunod nga pagsaka sa presyo sa mga produktong petrolyo.
