Gitakda karong Sabado Abril 26 ang lubong ni Pope Francis alas 10 sa buntag sa St. Peter’s Basilica.
Sa pagtaliwan sa Santo Papa kay daghan ang wala nagdahom hilabi na nga mihimo pa kini og mipatim-aw atol sa Easter Sunday ug milahad og pag-ampo alang sa kalibutan.
Gipagawas usab ang death certificate sa Papa diin sa edad nga 88, human na-stroke ug giatake sa kasingkasing kay wala na niini nakaya sa iyang lawas.
Gilauman usab ang mga lider sa nagkalain-laing nasod ug sakop sa royal family ug una nga nipahibalo si US President Donald Trump nga motambong kini sa lubong ni Pope Francis.
Sumala sa mga lagda sa Simbahang Katoliko, ang lubong ni Pope Francis mahitabo tali sa Biyernes ug Domingo, tulo ngadto sa unom ka adlaw human sa iyang kamatayon.
Ang lawas sa Santo Papa ibalhin gikan sa Santa Marta chapel ngadto sa St. Peter’s Basilica karong adlawa, Abril 23, aron mahatagan og kahigayonan ang mga deboto sa paghatag sa ilang respeto.
Giisip usab nga makasaysayon ang lubong niini kay usa ra ka Santo Papa ang ilubong gawas sa Vatican.
