Luka Doncic, mobiyahe sa Europa aron magpatambal sa iyang injury

Mobiyahe paingon sa Europa si Los Angeles Lakers star Luka Doncic aron magpatambal sa iyang naangkon nga hamstring strain injury.

Ang tumong mao ang pagpadali sa iyang pagkaayo.

Nakaangkon siya og Grade 2 hamstring injury sa kapildihan sa Lakers batok sa Oklahoma City Thunder sa miaging semana.

Tungod niini, wala na magdahom ang Lakers nga makaduwa siya sa nahabilin nga regular season.

Gitino ni head coach sa Lakers nga si JJ Redick, nga ang kampo ni Doncic nagbuhat sa tanan aron matabangan siya nga dali nga makaayo.

Ang Lakers karon anaa sa ikatulong pwesto sa Western Conference nga adunay rekord nga 50 ka daog ug 28 ka pilde, tabla sa Denver Nuggets.