CEBU CITY-Gitataw ni Cebu City Mayor Edgardo Labella nga wala pay official nga ihulip sa chairman og sa mga board members sa Metropolitan Cebu Water District (MCWD).
Kini human sa hingpit nga pagkanaog ni Chairman Joel Mari Yu, Vice Chairman Ralph Sevilla, Secretary Cecilia Jugao-Adlawan, ug mga miyembro sa board nga sila Procopio Fernandez ug Augustus Pe, Jr. human nga gipakanaog ni Labella.
Gihimug-atan sa Mayor nga wala pay “vacuum” sa position sanglit wala matud pa maresolbar ang “serious institutional crisis” sa buhatan hayan ang Local Water Utilities Administration (Luwa) usa ang magdumala sa MCWD kung diin duna nay interim kun temporaryo nga board nga maoy dumala niini. Gibutyag usab sa mayor nga sa oras nga maresolbar na ang problema ug malantaw na usab ang suwat niini nga naa karon sa LUWA kalabot sa pagpakanaog sa mga chairman ug member sa board,wala pay opisyal nga i-appoint.
Nagkomedya pa ang mayor nga sa oras nga duna na matud pa’y ma-appoint nga bagong chairman of the board sa MCWD, mukusog na ang agas sa tubig.
Kahinumduman nga sa wala pa gipakanaog ni Labella ang naasoy nga mga opisyal, sunod-sunod ang reklamo sa publiko sa Metro Cebu kalabot sa ngil-ad nga serbisyo sa tubig sa MCWD. (reported by Bombo Jun Salde)
