Mabayanihon nga buhat sa Bombo Radyo, gidayeg sa usa ka Hapon

CEBU CITY – Nasaksihan sa usa ka turista gikan sa Japan ang kaayo sa mga Pilipino ilabi na sa pagtinabangay sa mga nanginahanglan.

Kini ang nakita ni Michiko Endo human kini mibisita sa gipahigayong Dugong Bombo 2019 sa SM City Cebu.

Matud ni Endo nga importante ang pagtinabangay sa mga Pilipino, ilabi na sa pagsalbar sa laing kinabuhi pinaagi sa pag-donate sa ilang dugo.

Kini gumikan, matud pa, sa ilang pagkamanggihatagon.

Dugang pa niini nga tungod sa nakita niyang “bayanihan,” makalaum kini nga masalbar ang uban pang mga Pilipinong nanginahanglan og supply sa dugo.

Usa ka buwan nang nagpuyo sa Sugbo si Endo aron moskwela ug magkat-on og English language.