Nagbunga ang kutas nga paggukod sa Gilas Pilipinas sa ilang send-off games batok sa Macau Black Bears, kay nagmadaogon kini sa iskor ga 103-98.
Hilabihan ka hangak ang pag-apas sa Gilas sa Macau kay aduna man kini leading 21 points, apan, nahanaw ang kabibo sa Macau Black Bears kay sa wala damha, sa ilang ka kumpyansa sa depensa, napildi pa sila.
Ang nasangpit nga duwa usa ka preparasyon sa ilang bid para sa 2025 FIBA Aisa Cup karong umaabot Agosto nga ipahigayon sa Saudi Arabia.
Si Justin Brownlee maoy nangulo sa Gilas Pilipinas nga adunay 32 puntos, 15 ka rebounds ug lima ka assists,samtang si Dwight Ramos adunay 19 puntos, unom ka assists ug upat ka rebounds, ug si AJ Edu nakatala og 15 puntos.
Ang Gilas adunay friendly games batok sa Jordan karong Agosto 2.
Sa umaabot nga mga adlaw, ang Gilas molupad paingon sa Saudi diin una nilang ikasangka ang Chinese Taipei sa Agosto 6 samtang ang New Zealand sa Agosto 7 ug Iraq sa Agosto 9.
