Walay happy ending ang love story sa usa ka Pinay ug ang iyang bana nga Indian.
Giila ang Pinay nga si Evita Varon ug ang Indian national nga si Arnald Rajath Dsouza diin nagkita sa usa ka dating app ug sa ulahi nagpakasal apan nagbulag usab human sa tulo ka bulan.
Tungod niini, nangayo og tabang si Dsouza kang Raffy Tulfo aron makapangayo kini og pasaylo sa iyang asawa ug mahatagan og katapusang higayon ang ilang gugma.
Apan, nibalibad ang Pinay kay giingong dili siya gustong maligo ug magtoothbrush ang Indiano nga sagad masuko kon pahinumdoman.
Gibutyag usab ni Varon nga init og ulo ang iyang bana, diin giyawyawan siya sa publiko, ug usahay gision pa ang ilang marriage certificate.
Tungod sa balikbalik nga batasan sa iyang bana, nakahukom si Varon nga magbulag alang sa iyang anak ug pamilya.
Samtang, gibayran na ni Tulfo ang pamasahe ni Dsouza sa pagpauli niini sa India ug misaad nga magbinuotan ug maligo na.
