Usa ka linog nga may gikusgon nga 6.6 magnitude ang miuyog sa Taiwan niadtong Sabado sa gabii, Disyembre 27 sumala sa Philippine Institute of Volcanology and Seismology (PHIVOLCS).
Sa usa ka advisory nga gi-isyu sa PHIVOLCS, gitaho nga ang linog nahitabo mga alas 11:05 sa gabii, ug ang epicenter niini nahimutang sa 429 km North Northeast sa Itbayat, Batanes.
Sumala sa United States Geological Survey (USGS), ang epicenter sa linog nahimutang 31 km East Southeast sa Yilan, Taiwan, ug adunay giladmon nga 68 km.
Tungod niini, ang Basco, Batanes nakatala og Intensity I, ang labing ubos nga lebel sa PHIVOLCS Earthquake Intensity Scale, nga nagpakita sa gamay kaayong pag-uyog nga lagmit dili mabati sa kadaghanan sa mga residente.
Maayo nalang og walay natala nga hulga sa tsunami alang sa maong linog.
