CARCAR CITY, CEBU-Gipasaka-an ug kasong acts of lasciviousness in relation to child abuse ang usa ka magtutudlo sa usa ka pampublikong tunghaan sa dakbayan sa Carcar, Cebu tungod sa giingong pagmolestiya sa duha sa iyang 15 anyos nga mga tinun-an.
Matud pa ni Police Lieutenant Colonel Mark Gifter Sucalit, hepe sa Carcar City Police Station, nga ang kaso gipasaka niadtong Lunes, Hulyo 31, 2023.
Ang suspek usa ka 31 anyos nga magtutudlo nga nagtudlo sa math sa mga tinun-an sa high school sa usa ka pampublikong tunghaan sa dakbayan.
Dugang pa ni Sucalit nga ang mga biktima sa giingong pagpangmolestiya sa Carcar buwag nga mi-report sa police station niadtong Hulyo 26 ug Hulyo 27 bahin sa samang indibidwal.
Kung diin ang unang insidente naglambigit sa usa ka biktima, nga 15 anyos nga nahitabo niadtong Marso 30.
Laing 15 anyos nga estudyante, giingong nabiktima niadtong Hulyo 20.
Nitaho sa kapolisan ang mga reklamante nga gihikap sa ilang magtutudlo ang ilang pribadong parte sa lawas human sila gisugo sa paghimo og mga buluhaton sa managlahing okasyon.
