CEBU CITY-Nangayo ug pasaylo ang usa ka mahuyang, kinsa mi-viral human giingung gipabarug ang usa ka staff sa restaurant kay gitawag kini og “sir”.
Kini human sa usa ka insidente sa kan-anan sa usa ka mall sa Sugbo nga nakaani og lain-laing reaksyon sa mga netizen human gipabarog sa usa ka kustomer ang waiter sulod sa kapin duha ka oras.
Ang hinungdan sa insidente kay mahitungod “Sir” ang natawag sa waiter sa maong customer, inay nga ‘Ma’am’.
Subay sa post sa netizen nga si John Calderon, kinsa saksi sa nahitabo nga insidente niadtung pasado alas 4 sa hapon Dominggo, Hulyo 21, 2024.
Una niyang namatikdan nga ang customer giila nga si Jude Bacalso ug ang waiter nagbarog ug nag-estoryahay.
Wala niya kini panumbalinga sa una, apan paglabay sa duha ka oras, nakita gihapon niya ang waiter sa samang posisyon, hinungdan nga nangutana kini sa ka mahuyang kun siya ba ang tag-iya sa restaurant.
Apan, mitubag si Jude ug miingon nga “Pangutan-a siya kon unsay nahitabo” diin iyang gitudlo ang waiter.
Dinhi nahibaw-an ni John nga gipabarog ang waiter mahitungod kay gitawag niya og “Sir.”
Sa iyang post, gipadayag ni John ang iyang pagkadismaya sa gihimo ni Jude ilabi na nga pareho silang miyembro sa LGBTQ community.
Gumikan niini, niani kini ug nagkadaiyang komentaryo, opinyon ug bisan mga meme.
Subay niini, nangayu ug pasaylo ang mahuyang pinaagi sa iyahang ‘social media account’.
Dinhi, iyahang gipadayag nga nakig-storya na siya gahapong adlawa uban sa management, usa ka tripulante ug ang supervisor sa tindahan nga anaa atol sa insidente.
Ikasubo, gumikan ang server nga nalambigit wala diha.
Apan, gipaambit ni Bacalso nga nagkasinabot sila nga magtinabangay sila pag-ayo sa pagpadayon sa mas ‘inclusive practice’ sa restaurant.
Giklaro usab niya nga wala niya gipugos ang waiter nga mobarog sa iyang atubangan, sukwahi sa unang post nga gipa-ampit online.
Nangayo usab kini og pasaylo ngadto sa ubang mga kawani nga posibleng naglisod sa dihang nahitabo ang insidente ug sa unsa nga paagi kini misamot.
Giangkon niini, nga tingali siya milapas sa pagsulay sa pag-edukar sa mga tawo sa ‘gender sensitivity’.
