Girespeto sa Malacañang ang pag-isyu sa warrant of arrest sa Quezon City Regional Trial Court batok kang Vice President Sara Duterte.
Giingon ni Palace Press Officer Claire Castro nga tahuron sa Palasyo ang bisan unsang desisyon o mando nga ipagawas sa korte.
Ang pahayag ni Castro migawas human mag-isyu ang Quezon City Regional Trial Court Branch 98 og warrant of arrest batok sa Bise Presidente alang sa tulo ka counts sa grave threats.
Ang kaso may kalabotan sa mga pahayag ni Duterte diin giingon niya nga nakahimo na siya og plano sa pagpatay kang President Ferdinand Marcos Jr., First Lady Liza Marcos, ug kanhi House Speaker Martin Romualdez kung adunay mahitabo kaniya.
Ang Department of Justice ang nagsang-at sa tulo ka kaso sa grave threats batok kang Duterte.
Una nang misulay ang kampo sa Bise Presidente nga ipabasura ang kaso, gumikan kay walay hurisdiksyon ang korte sa maong mga kaso.
