Gipahayag sa Malacañang nga si Presidente Ferdinand Marcos Jr. dili manghilabot sa trabaho ug mga desisyon sa House of Representatives ug sa Senado kalabot sa 2027 General Appropriations Bill (GAB).
Matod ni PCO Undersecretary Claire Castro, ang gisugyot nga budget moagi sa hugot nga proseso sa pagrepaso lakip na ang mga deliberasyon sa bicameral conference committee ug sa economic team sa Presidente sa dili pa kini pirmahan aron mahimong balaod.
Gipasiugda ni Castro nga gusto sa Presidente nga masiguro nga ang mga proyekto nga gilakip sa gisugyot nga budget sa Executive Department dili pakunhuran, aron malikayan ang bisan unsang pagkalangan sa pagpatuman niini.
Dugang pa niya nga andam ang Presidente nga gamiton ang iyang gahom sa pag-veto, kung gikinahanglan, aron masiguro nga ang pondo sa publiko dili mausik o magamit sa sayop nga paagi.
