Supak ang usa legal expert sa gisugyot nga baruganan sa Administrasyong Marcos, sa hisgutanan sa “unprogrammed funds” human nga gipakawalay-bili sa Korte Suprema, ang dugang nga P449.5 bilyones sa mga “unprogrammed appropriation” ubos sa 2024 nga badyet nga gipatuman sa Kongreso, lakip na ang pipila ka mga probisyon sa mga badyet alang sa 2025 ug 2026.
Matud ni Atty. Rameses Villagonzalo, usa ka legal expert, nga dili mamahimo nga i-apply ang “doctrine of operative fact” sa mismong hisgutanan sa budget, kini gumikan kay angayan lang kini ma-apply kung wala magbalik-balik ang mismong buhat.
Sigon niini, dili kini makonsiderar nga masulod sa “doctrine of operative fact” o dili na pwedeng bawion gumikan kay nahitabo usab kini sa tuig 2025 ug sa 2026, gumikan kay dili lang kini kausa nahitabo, apan sunod-sunod nga akto.
Gihimug-atan ni Atty. Villagonzalo, nga kinahanglan manubag ang nagpatuman niiini ug pasakaan og kasong Plunder, tungod kay dili makatarungan ang ilang gibuhat sa pundo sa katawhan.
Dugang niini, nga ang “unprogrammed funds” sama makosiderar nga usa ka contingency fund, nga dapat allocated na ang budget ug dili kinahanglang pasobraan, gumikan kay identified na ang ubang items nga gastuhon sa kagamhanan.
Gibutyag usab niini, nga mahinungdanon gayud nga ipakita ngadto sa publiko ang budget deliberation, aron makita ug mabantayan sa mga tawo ang pag-allocate sa pundo.
