Gibutyag ni Atty. Abelardo Quilaton Jr., usa ka legal expert nga ang pagbasura sa petisyon sa kampo ni Duterte, maykalabutan sa threshold sa impeachment trial, wala pa hingpit nga gidesisyonan sa Korte Suprema.
Matud ni Quilaton, nga ang isyu sa pagbasura sa maong petisyon ni Atty. Vic Rodriguez ug pipila pa ka mga petisyoner ngadto sa pagdesisyon sa senate impeachment court sa pagpaubos sa denominator sa pagbotar ngadto batok kang Vice President Duterte, wala pa hingpit finalize gumikan kay na nullify lang kini tungod sa procedural matters ug lack of standing.
Diin iyang gipasabot, nga nabasura lamang ang petisyon gumikan kay walay igo nga basehan ang Korte Suprema sa kung aduna bay direktang kalambigitan ang mga petisyoner, lakip na ang prematurity sa pagpangayo niini ngadto sa korte, gumikan wala pa kini hingpit nga nahitabo.
Gihimug-atan niini, nga sa pagkakaron, dili makaapekto sa kaso ni Vice President Sara Dutete ang mismong desisyon sa Korte Suprema, apan iyang gidugang nga mamahimo lang nga ma kuwestiyon sa kampo niini kung, igo na sa legal standing, tukma na sa panahon, lakip na ang petisyoner sa maong kaso.
Dugang niini, nga usahay dili sa substance sa argumento ang makapapildi sa kaso, apan ang paagi niini.
